Monday, November 14, 2016

മുജാഹിദ് ഐക്യ ശ്രമങ്ങളും ശൈഖ് സാഹിബിന്റെ ശ്ലാഘിക്കാൻ മുട്ടലും



മുജാഹിദ് ഐക്യ ശ്രമങ്ങളും
ശൈഖ് സാഹിബിന്റെ ശ്ലാഘിക്കാൻ മുട്ടലും


മൻസൂറലി ചെമ്മാട്

മുജാഹിദ് ഐക്യശ്രമത്തെ സ്വാഗതം ചെയ്യുന്നുവെന്ന മട്ടില്‍ ജമാഅത്തെ ഇസ്ലാമി അസിസ്റ്റന്റ് അമീര്‍ ശൈഖ് മുഹമ്മദ് കാരക്കുന്നിന്റെ ഫേസ്ബുക്ക് വീഡിയോ കാണാനിടയായി. ഗുണകാംക്ഷയുടെ മേല്‍ക്കുപ്പായമണിയിച്ച ദുഷ്ടലാക്ക് പ്രസ്തുത പ്രസ്താവനക്ക് പിന്നിലുണ്ടെന്ന് ന്യായമായും സംശയിക്കേണ്ടിയിരിക്കുന്നു. ജമാഅത്തെ ഇസ്ലാമിയെയും അതിന്റെ നേതാക്കളെയും അതിന്റെ കീഴിലുള്ള അച്ചടി ദൃശ്യ മാധ്യമങ്ങളെയും കൃത്യമായി മനസ്സിലാക്കിയവര്‍ക്ക് കുറച്ച് കൂടി എളുപ്പത്തില്‍ അക്കാര്യം ബോധ്യമാവും.

കേരളത്തിലെ ഇസ്ലാഹി പ്രസ്ഥാനത്തില്‍ പതിനാല് വര്‍ഷങ്ങള്‍ക്ക് മുന്‍പുണ്ടായ ചേരിതിരിവ് പ്രസ്ഥാനത്തിന്റെ ചരിത്രത്തില്‍ മാത്രമല്ല സാമൂഹ്യനവോത്ഥാന ചരിത്രത്തില്‍ തന്നെ വലിയ മുറിപ്പാടാണുണ്ടാക്കിയതെന്നതില്‍ ആര്‍ക്കും തര്‍ക്കമില്ല. പിളര്‍പ്പിനു മുന്‍പും പിന്‍പും ഒട്ടനവധി അനുരജ്ഞന ശ്രമങ്ങള്‍ നടന്നുവെങ്കിലും പല കാരണങ്ങളാല്‍ അവയൊന്നും സഫലമാവാതെ പോവുകയായിരുന്നു. അതേ സമയം ഇസ്ലാഹി ഐക്യം കൊതിക്കുന്ന മനസ്സുകള്‍ ഇരുപക്ഷത്തും ഏറെയുണ്ടായിരുന്നുവെന്നത് ഒരു യാഥാര്‍ത്ഥ്യവുമാണ്. പില്‍ക്കാലത്ത് മുജാഹിദ് വിലാസത്തില്‍ വീണ്ടും അഭിപ്രായ വ്യത്യാസങ്ങള്‍ തലപൊക്കുകയും അനിഷ്ടകരമായ പല വിവാദങ്ങളുണ്ടാവുകയും ചെയ്തു. 

ഇപ്പോള്‍, ഇസ്ലാഹി മനസ്സുകള്‍ തമ്മിലുള്ള അകലം കുറയുകയും മുജാഹിദ് ഐക്യം കൂടുതല്‍ പ്രസക്തമാക്കും വിധം പുതിയ സാഹചര്യങ്ങള്‍ രൂപപ്പെടുകയുമൊക്കെ ചെയ്യുകയും പ്രാദേശികമായി പലയിടങ്ങളിലും ഇരുവിഭാഗങ്ങളും പരസ്പരം സഹകരിച്ച് പ്രവര്‍ത്തിക്കുകയും ചെയ്യുന്ന പശ്ചാത്തലത്തില്‍ പുറത്ത് വന്ന മുജാഹിദ് ഐക്യ വാര്‍ത്തകളോട് പ്രതികരിക്കുമ്പോള്‍ ഉത്തരവാദപ്പെട്ട ഒരു സംഘടനാ നേതാവ് എന്ന നിലക്കും ഒരു ഇസ്ലാമിക പണ്ഡിതന്‍ എന്ന നിലക്കും നിര്‍വഹിക്കേണ്ട ദൌത്യത്തെ കുറിച്ച് ശൈഖ് സാഹിബ് ഒരുവേള ചിന്തിക്കേണ്ടതായിരുന്നു. നാലാളുകളുടെ മുന്നില്‍ ആളാവാനുള്ള ത്വരയല്ലല്ലോ ഇസ്ലാമിക പ്രബോധകനെന്നവകാശപ്പെടുന്ന ഒരാളിലുണ്ടാവേണ്ടത്.

കേരളത്തിലെ ഇരുവിഭാഗം മുജാഹിദുകള്‍ തമ്മില്‍ അനുരജ്ഞന ചര്‍ച്ചകള്‍ നടക്കുന്നുവെന്നും ലക്ഷ്യം കാണുന്നുവെന്നും എവിടെ നിന്നോ കേള്‍ക്കുമ്പോഴേക്ക് ഫേസ് ബുക്ക് ഓണാക്കി പരസ്യപ്രസ്താവന നടത്തുന്നത് അല്പത്തമായേ കാണാനാവൂ. ചര്‍ച്ചയുടെ സുഗമമായ ലക്ഷ്യപ്രാപ്തി കൂടി ഉദ്ദേശിച്ച് ബന്ധപ്പെട്ടവര്‍ പുലര്‍ത്തിയ സ്വകാര്യതയും സൂക്ഷ്മതയും ആര്‍ക്കും പെട്ടെന്ന് ബോധ്യമാവും. ശൈഖ് സാഹിബിനെ ഇത്തരമൊരു പ്രസ്താവനക്ക് പ്രചോദിപ്പിച്ച ഇന്നലത്തെ ഒരു പത്രത്തില്‍ വന്ന വാര്‍ത്തയില്‍ പറയുന്നത് തന്നെ(അത് സത്യമല്ലെങ്കിലും)  മൂന്ന് വര്‍ഷമായി ഈ ചര്‍ച്ച തുടങ്ങിയിട്ടെന്നാണ്. ബാഹ്യ ഇടപെടലുകളും മറ്റു പ്രാതികൂല്യങ്ങളും ഇല്ലാതാവാനുള്ള തികച്ചും സദുദ്ദേശപരമായ സമീപനങ്ങള്‍ ഇരുപക്ഷവും ഈ ചര്‍ച്ചയില്‍ പാലിച്ചിട്ടുണ്ടെന്ന് വ്യക്തം. 

ഇരു വിഭാഗം നേതാക്കളോ മറ്റു ഉത്തരവാദപ്പെട്ടവരോ ഐക്യം സംബന്ധിച്ച വിവരങ്ങള്‍ ഔദ്യോഗികമായി പുറത്തു വിട്ടിട്ടില്ല. ഇരു സംഘടനയുടെയും പ്രവര്‍ത്തകര്‍ക്ക് പോലും വിശദാംശങ്ങള്‍ ലഭ്യമാവാത്ത വിധമാണ് ചര്‍ച്ചകള്‍ നടക്കുന്നതെന്ന് മനസ്സിലാക്കാന്‍ ശൈഖ് സാഹിബിനെ പോലുള്ളവര്‍ക്ക് വലിയ പ്രയാസമൊന്നുമില്ലല്ലോ. അത്തരത്തില്‍ ഒരു ചര്‍ച്ച നടക്കുന്നുവെന്ന് കേള്‍ക്കുമ്പോള്‍ യഥാര്‍ത്ഥ ഗുണകാംക്ഷികള്‍ ലക്ഷ്യസാക്ഷാല്‍ക്കാരമെത്തും വരെ മൌനം  പാലിക്കുകയാണ് ചെയ്യുക. എന്നാല്‍ അവ്യകതതകള്‍ നിറഞ്ഞ ഒരു  പത്രവാര്‍ത്ത കണ്ടപ്പൊഴേക്ക്  ശൈഖ് സാഹിബിന് ശ്ലാഘിക്കാന്‍ മുട്ടിയത് സദുദ്ദേശപരമല്ല എന്നുറപ്പാണ്. ജമാഅത്തിന്റെ ഭൂതകാലം നമ്മെ പഠിപ്പിക്കുന്നത് അതാണ്. ഐക്യ ചര്‍ച്ചയുടെ സുഗമമായ പര്യവസാനത്തിനു തടസ്സം സൃഷ്ടിക്കാനേ ഈ ശ്ലാഘിക്കല്‍ മത്സരത്തിനു കഴിയൂ. 

ശൈഖിന് എന്തെങ്കിലും സദുദ്ദേശമുണ്ടായിരുന്നെങ്കില്‍, മുജാഹിദ് ഐക്യ ചര്‍ച്ചയെ കുറിച്ച വിവരം ലഭിക്കുമ്പോള്‍ ഫേസ്ബുക്ക് ലൈവില്‍ മുഖം കാണിക്കുന്നതിനു മുന്‍പ്, അദ്ദേഹത്തിനു ഏറ്റവുമടുത്ത് ബന്ധമുള്ള TP അബ്ദുല്ലക്കോയ മദനിയെയും ഹുസൈന്‍  മടവൂരിനെയും ഒന്ന് ബന്ധപ്പെട്ട് കാര്യത്തിന്റെ നിജസ്ഥിതി ഇന്ന് ഉറപ്പ് വരുത്തുകയായിരുന്നു ചെയ്യേണ്ടിയിരുന്നത്.

ബന്ധപ്പെട്ടവര്‍ ഇക്കാര്യത്തില്‍ കാണിക്കുന്ന സ്വകാര്യത അതേ പടി സൂക്ഷിച്ച് ലക്ഷ്യസാക്ഷാല്‍ക്കാരം സുഗമമാവുന്നതിനു സഹകരിക്കുന്നതിനു പകരം , 'ദേ ഇവിടെയിതാ അകത്ത് ഒരു ഐക്യ ചര്‍ച്ച നടക്കുന്നു കുളമാക്കേണ്ടവരൊക്കെ കുളമാക്കിക്കോ എന്ന മട്ടില്‍ ശ്ലാഘനാടകവുമായി വന്നത് എന്തായാലും നെറികേടാണ്. 

ശൈഖിന്റെ ശ്ലാഘിക്കല്‍ തികച്ചും കാപട്യമാണു്. എല്ലാ മുസലിം സംഘടനകളെയും സ്ഥാപനങ്ങളെയും നശിപ്പിക്കുന്നതിന്നു ഏറെ പണിയെടുക്കുന്ന ജമാഅത്തുകാരുടെ തന്ത്രം പകല്‍ വെളിച്ചം പോലെ വ്യക്തമായതാണ്. മുസ്ലിം വിദ്യാഭ്യാസ സ്ഥാപനങ്ങള്‍ക്കും പണ്ഡിതന്മാര്‍ക്കുമെതിരില്‍ പോലീസ് പക്ഷപാതപരമായി പെരുമാറുന്നതിനെതിരെ മുഴുവന്‍ മുസ്ലിം സംഘടനാ നേതാക്കളെയും മുസ്ലിം ലീഗ് വിളിച്ച് ചേര്‍ത്ത ആദ്യയോഗത്തില്‍ സമസ്ത പങ്കെടുത്തിരുന്നില്ല. എന്നാല്‍ അവരുമായി സംസാരിച്ച് അടുത്ത യോഗം ചേരാമെന്നു് തീരുമാനിച്ച് പിരിഞ്ഞു. ഒരു വാര്‍ത്തയും മാധ്യമങ്ങള്‍ക്ക് കൊടുത്തില്ല. എന്നാല്‍ മുസ്ലിംകളുടെ ഒരു ക്രട്ടായ്മയുണ്ടാക്കാന്‍ ലീഗ് നടത്തിയ ശ്രമം പൊളിഞ്ഞു വെന്ന് ലോകത്തോട് വിളിച്ച് പറഞ്ഞത് ജന്മഭൂമിയോ ജനം TV യോ അല്ല. ശൈഖിന്റെ മാധ്യമവും മീഡിയാ വണ്ണുമാണ്.

കേരളത്തില്‍ നിന്ന് കാണാതായ ചെറുപ്പക്കാരെല്ലാം TP അബ്ദൂല്ലക്കോയമദനി നേതൃത്വം നല്‍കുന്ന KNMൽ പ്രവര്‍ത്തിക്കുന്നവരാണെന്ന കള്ള വാര്‍ത്ത TP യുടെ ഫോട്ടോ സഹിതം എത്ര തവണയാണ് മീഡിയാവണ്‍ പ്രക്ഷേപണം ചെയ്തത്. 

ശശികല ടീച്ചര്‍ക്കെതിരില്‍ കേസ് റജിസ്റ്റര്‍ ചെയ്ത വാര്‍ത്ത എല്ലാ പത്രങ്ങളിലും വന്നതാണു്. എന്നാല്‍ മാധ്യമത്തില്‍ ആ വാര്‍ത്തയില്‍ മുജാഹിദ് നേതാവായ ശംസുദ്ദീന്‍ പാലത്തിന്നെതിരിലും ഇതേ പോലെ കേസെടുത്തിട്ടുണ്ട് എന്ന വാല്‍  കൂടി ചേര്‍ക്കാന്‍ ശൈഖും കൂട്ടരും മറന്നില്ല. കേരളത്തില്‍ നിന്ന് കാണാതായവരും ശംസുദ്ദീന്‍ പാലത്തുമൊക്കെ മുമ്പ് അവര്‍ TPയുടെ സംഘടനയിലായിരുന്നുവെന്നത് പരിഗണിച്ചാണു് ഇപ്പോഴും ഇങ്ങിനെയൊക്കെ പറയുന്നത് എങ്കില്‍, ഇനിയങ്ങോട്ട് താങ്കളെ താങ്കളുടെ പഴയ പേരായ ചേക്കുവെന്ന് വിളിക്കുന്നതാവുമല്ലോ നല്ലത്.

മുസ്ലിം സംഘടനകള്‍ തമ്മില്‍ ഭീകരതയാരോപിക്കരുതെന്ന് ശൈഖ് ഉള്‍പ്പെടെയുള്ളവര്‍ തീരുമാനിച്ച് ഒരാഴ്ച കഴിഞ്ഞപ്പോള്‍ 'സലഫിസത്തെ വെള്ളപൂശുകയോ' എന്ന ലേഖനമെഴുതി മാധ്യമം വഴിത്തിരിവ് സ്ഥാപിച്ചു . ഇതെല്ലാം കാണിക്കുന്നത് ജമാഅത്ത്കാരുടെ കാപട്യമാണ്. മുജാഹിദ് ഐക്യശ്രമങ്ങളില്‍ ഇപ്പോള്‍  ശൈഖുമാരുടെ സഹായം ഇപ്പോള്‍ ആവശ്യമില്ലെന്ന്  ദയവായി മനസ്സിലാക്കുക.

സേട്ട് സാഹിബിന്റെ പിന്നാലെ കൂടി ഹരം പിടിപ്പിച്ച് ലീഗ് പിളര്‍ത്തിയത്, നന്നായി നടന്നു വന്ന മുസ്ലിം സ്ഥാപനങ്ങളിലെ ജീര്‍ണതകള്‍ പുറത്ത് കൊണ്ടുവരാനെന്ന വ്യാജേന പരമ്പര തുടങ്ങി മുസ്ലിം സ്ഥാപനങ്ങളെ സമൂഹത്തിന്റെ മൂന്നില്‍ ചെളി വാരി എറിഞ്ഞത്, നീതിയുടെയും ന്യായത്തിന്റെയും കൊടിവാഹകരെന്നവകാശപ്പെടുകയും എന്നാല്‍ അതേ സമയം മാധ്യമത്തെയും മീഡിയാ വണ്ണിനെയും സാമ്പത്തികമായി സഹായിക്കുന്ന കള്ളപ്പണക്കാര്‍ക്കും ഭൂമാഫിയക്കാര്‍ക്കുമെതിരെ ഒരക്ഷരം ഉരിയാടാത്തത്, ജമാഅത്തിന്റെ മഹത്തായ ജിഹാദുകളുടെ പട്ടിക നിരത്താന്‍ തുടങ്ങിയാല്‍ നീണ്ടുപോവും.

കേരള മുസ്ലിംകളെ അന്ധ വിശ്വാസങ്ങളില്‍ നിന്നും അനാചാരങ്ങളില്‍ നിന്നും മോചിപ്പിക്കുന്നതില്‍ അനല്പമായ പങ്കു വഹിച്ച വിഭാഗമാണ് മുജാഹിദെന്ന് തന്റെ സന്ദേശത്തില്‍ കാരക്കുന്ന് വ്യക്തമാക്കുന്നു. ഇത് ചരിത്രത്തിലിടം നേടേണ്ട ഒരു തുറന്ന് സമ്മതിക്കലാണ്. മദ്ഹബുകളുടെയും കിതാബുകളുടെയും മറ പിടിച്ച് കേരള മുസ്ലിംകള്‍ക്കിടയില്‍ അന്ധവിശ്വാസാനാചാരങ്ങള്‍ കൊടികുത്തി വാണിരുന്ന ഇന്നലെകളില്‍ പ്രമാണങ്ങളേന്തി, ആര്‍ജ്ജവത്തോടെ പ്രബോധന മുന്നേറ്റം നടത്തിയ ഇസ്ലാഹി വിപ്ലവ പടയാളികളെ നോക്കി അന്ന് ശൈഖും കൂട്ടരും ആര്‍ത്തു ചിരിക്കുകയായിരുന്നു. ‘ശ്മശാന വിപ്ലവ‘മെന്ന് പരിഹസിച്ച്  ഇസ്ലാഹി പ്രവര്‍ത്തകരെ തളര്‍ത്താന്‍ വിഫല ശ്രമം നടത്തുകയായിരുന്നു. അതോടെ തീര്‍ന്നില്ല, സകല അന്ധ വിശ്വാസാനാചാരങ്ങള്‍ക്കും സമ്മതം എന്നതായിരുന്നു ശൈഖിന്റെയും കൂട്ടരുടെയും നിലപാട്.

“ജമാഅത്ത് എല്ലാ വിഭാഗക്കാരെയും മദ്ഹബുകാരെയും സംഘടനയില്‍ ചേര്‍ത്തു. അതില്‍ അഹ്‌ലുല്‍ ഹദീസില്‍ പെട്ടവരും ബറേല്‍വികളും ദയൂബന്തികളുമുണ്ട്. ശിയാക്കളില്‍ നിന്ന് ആരും ജമാഅത്തില്‍ അംഗങ്ങളായിട്ടില്ലെങ്കിലും അനുഭാവികളില്‍ അവര്‍ ധാരാളമുണ്ട്. നിങ്ങള്‍ക്ക് ശരിയായി തോന്നുന്ന മദ്ഹബ് പ്രകാരം പ്രവര്‍ത്തിച്ചോളൂ. പക്ഷെ മറ്റുള്ളവരുടെ മേല്‍ അത് അടിച്ചേല്‍പ്പിക്കരുത്. നിങ്ങള്‍ക്ക് ശരിയാണെന്ന് തോന്നാത്തത് ചെയ്യാതിരുന്നു കൊള്ളൂ. പക്ഷെ മറ്റുള്ളവരും അത് ശരിയായി കരുതാതെ ഉപേക്ഷിക്കണമെന്ന് ശാഠ്യം പിടിക്കരുത്. അപ്രകാരം എല്ലാവരും ചേര്‍ന്ന് ഇസ്‌ലാമിക വ്യവസ്ഥിതിയുടെ സംസ്ഥാപനത്തിന് വേണ്ടി ശ്രമിക്കുമെന്ന സിദ്ധാന്ത പ്രകാരമാണ് ജമാഅത്തെ ഇസ്‌ലാമി രൂപീകൃതമായതു തന്നെ.“ (പ്രബോധനം, 1970 ഡിസ 19)

“തെളിവുകളുടെ ന്യായാന്യായത് നോക്കി മുസ്‌ലിമായ മനുഷ്യന് ഏതു മദ്ഹബും സ്വീകരിക്കാം. ഏതു മദ്ഹബ് സ്വീകരിച്ചാലും ഇസ്‌ലാമില്‍ നിന്ന് പുറത്ത് പോവില്ല. പ്രത്യേകിച്ചൊരു മദ്ഹബും സ്വീകരിക്കാതെ പ്രശ്‌നങ്ങളില്‍ കൂടുതല്‍ ശരിയെന്ന് തോന്നുന്ന ഏതഭിപ്രായവും സ്വീകരിക്കുന്ന സ്വതന്ത്ര രീതിയും അതിനു കഴിവുള്ളവര്‍ക്കാവാം....ഒരു ജമാഅത്ത് പ്രവര്‍ത്തകന് തന്റെ അറിവനുസരിച്ച് ശരിയെന്ന് ബോധ്യമുള്ള വീക്ഷണം സ്വീകരിക്കാം. അത് മാറ്റാന്‍ സംഘടന ആവശ്യപ്പെടില്ലെന്നാണ് പറഞ്ഞുവന്നതിന്റെ ചുരുക്കം.“(ഇസ്ലാം, ഇസ്ലാമിക പ്രസ്ഥാനംചോദ്യങ്ങള്‍ക്ക് മറുപടി പേജ്: 324,325)

മുഹമ്മദ്(സ)യെ അംഗീകരിക്കാത്തവരും അലി ദൈവത്തിന്റെ അവതാരമാണെന്ന് വിശ്വസിക്കുന്നവരും വരെ ഉള്‍ക്കൊള്ളുന്നുവെന്നും സുന്നികളുമായി മൌലികമായ ഭിന്നത പുലര്‍ത്തുന്നുവെന്നും ജമാഅത്തുകാര്‍ തന്നെ പറയുന്ന(IBID.107) ശിയാക്കള്‍ക്ക് വരെ അവരുടെ ആദര്‍ശം മുറുകെപ്പിടിച്ച് ജീവിക്കാന്‍ സ്വന്തം സഘടനക്കകത്ത് സ്വാതന്ത്ര്യം നല്‍കുകയും അതിന്റെ പേരില്‍ ഊറ്റം കൊള്ളുകയുമായിരുന്നു ആ കാലത്ത് എന്ന് ശൈഖ് മറന്നാലും ചരിത്രത്തില്‍ നിന്നത് മായ്ക്കപ്പെടില്ല. 

'ഏതായാലും, സൂചി നോക്കി നാഴി എണ്ണ എരിച്ചു' എന്ന് പറഞ്ഞ പോലായി. സൂചിയൊട്ടു കിട്ടിയതുമില്ല എണ്ണ പോവുകേം ചെയ്തു. മര്‍മ്മ പ്രധാനമായ പലതും അവഗണിച്ചും മതവിരുദ്ധതകള്‍ക്ക് കുടചൂടിയുമൊക്കെയായിരുന്നു ജമാഅത്തുകാര്‍ ഇഖാമത്തുദ്ദീന്‍ തേടി പോയത്. അന്ന് പ്രവാചകാധ്യാപനങ്ങളനുസൃതമായ പ്രബോധനം നിര്‍വ്വഹിച്ചവരെ കുറ്റപ്പെടുത്തി. ഇന്നിപ്പോള്‍, അതൊക്കെ കേരള മുസ്ലിംകളെ അന്ധ വിശ്വാസങ്ങളില്‍ നിന്നും അനാചാരങ്ങളില്‍ നിന്നും മോചിപ്പിക്കുന്നതിനുള്ള പ്രവര്‍ത്തനങ്ങളാണെന്ന തിരിച്ചറിവ് ജമാഅത്തിനുണ്ടാവുന്നത് സന്തോഷകരം തന്നെ. 

മുജാഹിദ് പിളര്‍പ്പ് നാട്ടില്‍ ഇസ്ലാമിന്റെ പ്രതിച്ഛായക്ക് പോറലേല്‍പ്പിച്ചു എന്നും ഭിന്നിപ്പ് കാരണം നാട്ടിലെ പല ഇസ്ലാമിക സംരംഭങ്ങളും താറുമാറായി  എന്നുമുള്ള ശൈഖിന്റെ അഭിപ്രായം അതിന്റെ അര്‍ത്ഥത്തില്‍ തന്നെ ഉള്‍ക്കൊള്ളുന്നു. എന്നാല്‍ ജമാഅത്തെ ഇസ്ലാമിയും ജമാഅത്ത് സാഹിത്യങ്ങളും പൊതുസമൂഹത്തിനു മുന്നില്‍ ഇസ്ലാമിനെ എത്രമാത്രം വികൃതമാക്കിയിട്ടുണ്ടെന്ന സത്യം എന്നാണിനി ശൈഖുമാര്‍ക്ക് ബോധ്യമാവുക. മുജാഹിദ് ഐക്യ ശ്രമങ്ങളെ ശ്ലാഘിക്കുമ്പോള്‍ അവര്‍ഗ്ഗീയമായതും മാനവികമായതുമായ  കൂട്ടായ്മയുടെ പ്രസക്തി ഓര്‍മ്മിക്കുന്ന ജമാഅത്ത് നേതാവ്, തന്റെ പ്രസ്ഥാനവും അതിന്റെ ആചാര്യനും അദ്ദേഹമുള്‍പ്പെടെയുള്ളവരുടെ രചനകളും ഇക്കാര്യത്തില്‍ എന്ത് സംഭാവനയാണ് നല്‍കിയതെന്ന് കൂടി ചേര്‍ത്ത് വായിക്കേണ്ടതുണ്ട്. ഇപ്പോഴത്തെ SDPI പോപ്പുലര്‍ ഫ്രണ്ട് നേതാക്കളെല്ലാം മൗദൂദിയന്‍ ദര്‍ശനത്തിന്റെ പ്രചാരകരായ ജമാഅത്തിന്റെ പഴയ വിദ്യാര്‍ത്ഥി വിഭാഗമായ സിമിക്കാരാണ് എന്നത് ആര്‍ക്കാണ് നിഷേധിക്കാനാവുക?

ചുരുക്കത്തില്‍, മുജാഹിദ് ഐക്യ ശ്രമങ്ങള്‍ അണിയറയില്‍ നടക്കുന്നുവെന്ന് മനസ്സിലാക്കിയ മുജാഹിദുകളും അല്ലാത്തവരും, അതിന്റെ സാഫല്യത്തിനായി പ്രാര്‍ത്ഥിക്കുകയും ആഗ്രഹിക്കുകയും ചെയ്ത് മൌനം പാലിച്ചപ്പോള്‍  ചര്‍ച്ചയുടെ വിശദാംശങ്ങളോ പുരോഗതിയോ മര്‍ക്കസുദ്ദഅവയില്‍ നിന്നോ മുജാഹിദ് സെന്ററില്‍ നിന്നോ ആരായാന്‍ പോലും മിനക്കെടാതെ ചാടിക്കേറി ശ്ലാഘിക്കാന്‍ ഫേസ്ബുക്കിലേക്കോടിയത് ഏതായാലും സദുദ്ദേശപരമല്ല. മറ്റുള്ളവരുടെ ശ്രദ്ധയാകര്‍ഷിക്കാനായി, ഞാനായിരിക്കണം ഒരു വിവരം മറ്റുള്ളവരെ ആദ്യമറിയിക്കുന്നത് എന്നത് കുട്ടികളില്‍ കാണുന്ന ഒരു തരം കൌമാര വൈകല്യമാണ്. പക്വതയും പ്രബുദ്ധതയും അവകാശപ്പെടുന്ന പണ്ഡിതന്മാര്‍ക്കിത് ഒട്ടും ഭൂഷണമല്ല.  ഒരു വിവരം പരസ്യപ്പെടുത്തുന്നതിനു മുന്‍പ് പലതും ചിന്തിക്കേണ്ടതുണ്ട്.  അതിന്റെ വിശ്വാസ്യത,  അതിന്റെ സ്വകാര്യത എന്നിവ ആദ്യം പരിഗണിക്കണം.  ഇത് ഇപ്പോള്‍ പുറത്തറിയുന്നത് കൊണ്ട് ഗുണമാണോ ദോഷമാണോ ഉണ്ടാവുകയെന്നതും ഏതെങ്കിലും ലക്ഷ്യസാക്ഷാല്‍ക്കാരത്തിന് ഇത് തടസ്സമാവുമോ എന്നതും ആര്‍ക്കെങ്കിലും ഇത് പ്രയാസകരമാവുമോ എന്നതുമൊക്കെ ആലോചിച്ചാവണം ഒരു മുസ്ലിം തന്റേതല്ലാത്ത ഒരു വിവരം പരസ്യപ്പെടുത്തേണ്ടത്. ടി പിയോ മടവൂരോ പ്രഖ്യാപിക്കും മുന്‍പ് മുജാഹിദ് ഐക്യത്തെ കുറിച്ച് ബഹുമാനപ്പെട്ട ഞാനിതാ പ്രഖ്യാപിക്കുന്നേ എന്ന നിലപാട്  ഉള്ള നിലവാരം കളയുന്നതായിപ്പോയെന്ന് വിനീതമായി ഉണര്‍ത്തട്ടെ.

video



Sunday, November 6, 2016

ആർക്കെതിരിലായിരുന്നു ഈ സമരം?

സമര വിജയമാഘോഷിക്കുന്നതിനു മുൻപ്  പറയൂ, 

ആർക്കെതിരിലായിരുന്നു ഈ സമരം?

 

 



അറബിക് കോളജുകളിൽ അഫദലുൽ ഉലമ ഒന്നാം വർഷ സിലബസിൽ  സുന്നിവിരുദ്ധ ആശയങ്ങളുള്ള പുസ്തകം തിരുകിക്കയറ്റിയെന്നാരോപിച്ച് ഇരുവിഭാഗം സമസ്തയുടെ വിദ്യാർത്ഥിവിഭാഗങ്ങളും രംഗത്തിറങ്ങിയിരിക്കുകയാണല്ല്ലോ. സഊദി അറേബ്യയിലെ സലഫി പണ്ഡിതനായ മുഹമ്മദ് ബിന്‍ ഉസൈമിന്റെ കിതാബുത്തൗഹീദ് ആണ് പരാമൃഷ്ട പുസ്തകം. 

പ്രസ്തുത പുസ്തകത്തിന്റെ ഉള്ളടക്കത്തെ കുറിച്ച് ഉള്ളതും ഇല്ലാത്തതും നിറം പിടിപ്പിച്ചവതരിപ്പിക്കുകയാണ് ഇരുക്കൂട്ടരും. അതിനിടെ ഇന്ന്(4.11.2016) സുപ്രഭാതം ദിനപത്രത്തിൽ ഇത് സംബന്ധമായ ഒരു വാർത്ത വന്നത് ഇപ്രകാരം;
വിവാദ സലഫി പുസ്തകം വീണ്ടും കാലിക്കറ്റ് യൂനിവേഴ്‌സിറ്റി സിലബസില്‍
കോഴിക്കോട്: കാലിക്കറ്റ് സര്‍വകലാശാലയിലെ അഫ്‌സലുല്‍ ഉലമ ആദ്യ വര്‍ഷ വിദ്യാര്‍ഥികള്‍ക്കു പഠിക്കാനുള്ള പുസ്തകത്തില്‍ തീവ്രസലഫി ആശയങ്ങള്‍. വര്‍ഷങ്ങള്‍ക്കു മുന്‍പ് പ്രതിഷേധത്തെ തുടര്‍ന്ന് പിന്‍വലിച്ച പുസ്തകമാണ് വീണ്ടും സിലബസില്‍ ഉള്‍പ്പെടുത്തിയിരിക്കുന്നത്. സഊദി അറേബ്യയിലെ സലഫി പണ്ഡിതനായ മുഹമ്മദ് ബിന്‍ ഉസൈമിന്റെ കിതാബുത്തൗഹീദ് എന്ന പുസ്തകത്തിലാണ് വിവാദ പരാമര്‍ശങ്ങളുള്ളത്. മുജാഹിദ് നേതാവും ഫാറൂഖ് റൗളത്തുല്‍ ഉലൂം അറബിക് കോളജ് മുന്‍ അധ്യാപകനുമായ കോയക്കുട്ടി ഫാറൂഖിയാണ് ഗ്രന്ഥം സംഗ്രഹിച്ച് തയാറാക്കിയത്.
കഴിഞ്ഞ മൂന്നു മാസമായി കോളജുകളില്‍ പഠിപ്പിച്ചുവരുന്ന ഈ പുസ്തകത്തില്‍ സുന്നികളെ കൊന്നൊടുക്കാനുള്ള പരസ്യ ആഹ്വാനമാണുള്ളത്. 1997 ല്‍ പിന്‍വലിച്ച പുസ്തകമാണ് വീണ്ടും പുറത്തിറക്കിയിരിക്കുന്നത്.
പാഠപുസ്തകമായ കിതാബുല്‍ തൗഹീദ് പിന്‍വലിക്കാമെന്ന് കാലിക്കറ്റ് യൂനിവേഴ്‌സിറ്റി വി.സി കെ. മുഹമ്മദ് ബഷീര്‍ എസ്.കെ.എസ്.എസ്.എഫ് സംസ്ഥാന ഭാരവാഹികളുമായി നടത്തിയ ചര്‍ച്ചയില്‍ ഉറപ്പു നല്‍കി. മതവിരുദ്ധവും മതേതര സമൂഹത്തില്‍ എറെ തെറ്റിദ്ധാരണ ഉണ്ടാക്കുന്നതുമായ പാഠപുസ്തകം പിന്‍വലിക്കണമെന്ന് ആവശ്യപ്പെട്ട് എസ്.കെ.എസ്.എസ്.എഫ് സംസ്ഥാന ഭാരവാഹികള്‍ വി.സിക്ക് നല്‍കിയ നിവേദനത്തിന്റെ അടിസ്ഥാനത്തില്‍ നടത്തിയ ചര്‍ച്ചയിലാണ് പുസ്തകം പിന്‍വലിക്കുന്ന കാര്യത്തില്‍ വി.സി അന്തിമ തീരുമാനം അറിയിച്ചത്. 
എസ്.കെ.എസ്.എസ്.എഫ് ഭാരവാഹികളായ അബ്ദുറഹീം ചുഴലി, റഷീദ് ഫൈസി വെള്ളായിക്കോട്, പ്രൊഫ. ടി. അബ്ദുല്‍ മജീദ് എന്നിവര്‍ ചര്‍ച്ചയില്‍ പങ്കെടുത്തു.
ഈ ‘കിടിലൻ‘ വാർത്തയിലൂടെ നമുക്കൊന്ന് കണ്ണോടിക്കാം. ഗ്രന്ഥം രചിച്ച പണ്ഡിതന്റെ പേരുണ്ട്, സംഗ്രഹിച്ചയാളുടെ പേരുണ്ട്, സുന്നികളെ കൊന്നൊടുക്കാനുള്ള പരസ്യ ആഹ്വാനത്തെ കുറിച്ച കള്ളക്കഥ വേറെയുമുണ്ട്. 1997ല്‍ പിന്‍വലിച്ച പുസ്തകമാണ് വീണ്ടും പുറത്തിറക്കിയിരിക്കുന്നതെന്നും സുപ്രഭാതം ലേഖകനു അറിയാം. എന്നാൽ ഏറ്റവും പ്രധാനപ്പെട്ട ഒരു വിവരം വാർത്തയിലോ പ്രതിഷേധ പ്രമേയങ്ങളിലോ ഒന്നും കാണുന്നില്ല.
 രണ്ട് പതിറ്റാണ്ട് മുന്‍പ് സമാന പരാതി പ്രകാരം തന്നെ സിലബസില്‍ നിന്നൊഴിവാക്കിയ പ്രസ്തുത പുസ്തകം വീണ്ടുംസര്‍വകലാശാല സിലബസില്‍ഉള്‍പ്പെടുത്തിയതാരാവും? ഏതോ വഹാബിയല്ലാതെ മറ്റാര് അല്ലേ!! എസ് എസ് എഫ് സംസ്ഥാന സെക്രട്ടരി ഈയിടെ ഒരു ഇംഗ്ലീഷ് പത്രത്തോട് പറഞ്ഞത് (ഡക്കാൻ ക്രോണി‌ക്ക്‌ൾ, 2016 നവ. 3) ബോർഡ് ഓഫ് സ്റ്റഡീസിൽ സുന്നി പ്രാതിനിധ്യം ലഭിച്ചിട്ടില്ല എന്നായിരുന്നു. അപ്പോൾ പിന്നെ ഈ പുസ്തകം സിലബസ്സിലേക്ക് തിരികെ കൊണ്ടുവന്നതിനു പിന്നിൽ ഏതെങ്കിലും ഒരു ‘വഹാബി’ ആവാൻ മാത്രമേ സാധ്യതയുള്ളൂവല്ലോ.


 എന്നാലും സമരക്കാരേ, ആ ഞെട്ടിപ്പിക്കുന്ന വിവരം കൂടി ഒന്ന് വെളിപ്പെടുത്താമായിരുന്നില്ലേ. ഇല്ല കലക്ക് വെള്ളത്തിൽ മീൻ തപ്പിയിറങ്ങിയ മുസ്ല്യാക്കൾക്ക് ‘സുപ്രഭാതം’ ഇനിയുമകലെയാണെന്ന് തന്നെയാണീ സംഭവവും വിളിച്ച് പറയുന്നത്. നാടകങ്ങള്‍ സംവിധാനം ചെയ്യുമ്പോള്‍അല്‍പം കോമണ്‍സെന്‍സ് കൂടി വേണം മുസ്ല്യാരേ.അതെ, കക്കാന്‍ പഠിച്ചാല്‍ പോര നിക്കാനും പഠിക്കണം.

സത്യത്തിൽ ചേന്ദമംഗല്ലൂര്‍ സുന്നിയ്യ അറബിക് കോളേജ് അധ്യാപകനും സമസ്ത നേതാവുമായ ഡോ. പി മുജീബ് ആയിരുന്നു ആ പുസ്തകം വീണ്ടും അറബിക് കോളേജ് സിലബസ്സിൽ ഉൾപ്പെടുത്തിയ മഹാൻ. ഇങ്ങിനെയൊരു ചെയർമാൻ ബോര്‍ഡ് ഓഫ് സ്റ്റഡീസീനുണ്ടായിരുന്നെന്ന് എസ് എസ് എഫ് സെക്രട്ടറിക്കും സുപ്രഭാതക്കാരനും അറിയാതെ പോവില്ലല്ലോ.

അന്ന് ആ തീരുമാനം ഏത് യോഗത്തില്‍ വെച്ചാണ് എടുത്തതെന്നും ഏതെങ്കിലും മുജാഹിദ് അംഗത്തിന് ഈ തീരുമാനത്തിനു പിന്നില്‍ പങ്കോ അറിവോ ഉണ്ടായിരുന്നോ എന്നും സുപ്രഭാതക്കാരും എസ് കെ നേതാക്കളും ഒന്ന് അന്വേഷിക്കുന്നത് നന്ന്. സ്വന്തം താല്പര്യങ്ങളുമാ‍യി,  കൂടിയാലോചനകളില്ലാതെ തീരുമാനങ്ങളെടുക്കുന്നുവെന്ന പരാതിക്ക് സാഹചര്യമുണ്ടാക്കിയ ചെയർമാന്റെ വീരകൃത്യങ്ങൾ അപ്പോൾ വ്യക്തമായറിയാം.

ഒരിക്കൽ കൂടി പറയട്ടെ,
*‘കിതാബു തൌഹീദ്‘ അഫ്ദലുൽ ഉലമ സിലബസിൽ ഉൾപ്പെടുത്തിയതിൽ മുജാഹിദുകളായ ഒരംഗത്തിന്റെ പോലും അറിവോ പ്രേരണയോ പങ്കോ ഉണ്ടായിരുന്നില്ലെന്നത് പകൽ‌വെളിച്ചം പോലെ വ്യക്തമാണ്.
*ആരുടെയും പ്രേരണയോ നിർദ്ദേശമോ ആവശ്യമായ കൂടിയാ‍ലോചനകളോ ഇല്ലാതെ അന്നത്തെ ബോർഡ് ഓഫ് സ്റ്റഡീസ് ചെയർമാൻ പ്രത്യേക താല്പര്യമെടുത്താണ് പ്രസ്തുത പുസ്തകം പാഠപുസ്തകമാക്കി തീരുമാനിച്ചത്.
*ആ ചെയർമാൻ ഇന്നത്തെ സമരക്കാരുടെ ആശയക്കാരനും നേതാവുമായ വ്യക്തിയായിരുന്നു.
*ഒരിക്കൽ വിമർശന വിധേയമാവുകയും അതിനെ തുടർന്ന് പിൻ‌വലിക്കുകയും ചെയ്ത പുസ്തകം 19 വർഷങ്ങൾ കഴിഞ്ഞ് വീണ്ടും സിലബസിലേക്ക് തിരിച്ചെടുക്കാനുണ്ടായ കാരണം വിശദീകരിക്കപ്പെടേണ്ടതുണ്ട്.
*ഒരു പുസ്തകം പാഠപുസ്തകമാക്കുന്നതിനു മുൻപ് പ്രസ്തുത പുസ്തകത്തിന്റെ ഉള്ളടക്കം ബന്ധപ്പെട്ടവർ സൂക്ഷ്മമായി പരിശോധനാ വിധേയമാക്കുകയും വൈജ്ഞാനികമായും ഭാഷാപരമായും തികച്ചും ഗുണപരമാണെന്ന് ബോധ്യപ്പെടേണ്ടതുണ്ട്. അത്തരമൊരു പ്രക്രിയ ഈ പുസ്തക നിർണയത്തിൽ ഉണ്ടായിട്ടുണ്ടോ‍ എന്ന് അന്നത്തെ ചെയർമാനായ സമസ്ത നേതാവ് വ്യക്തമാക്കേണ്ടതുണ്ട്..
*ഈ പുസ്തകത്തോ‍ടൊപ്പം മറ്റേതൊക്കെ പുസ്തകങ്ങളാണ് സിലബസിൽ ഉൽ‌പ്പെടുത്തിയതെന്നും അവയുടെ രചയിതാക്കളാരൊക്കെയാണെന്നും പഠന വിധേയമാക്കേണ്ടതുണ്ട്.
*ഈ പുസ്തകം പാഠ പുസ്തകമാക്കിയത് സമസ്തയുടെ നേതാവാണ് എന്നും ഇപ്പോ‍ൾ ഇതിനെ ‘മതവിരുദ്ധവും മതേതര സമൂഹത്തില്‍ എറെ തെറ്റിദ്ധാരണ ഉണ്ടാക്കുന്നതുമായ പാഠപുസ്തകം‘ എന്ന് വിമർശിച്ച് സമരത്തിനിറങ്ങുന്നത് സമസ്ത തന്നെയെന്നുമുള്ള വസ്തുതകൾ ഒരു  ഗൂഡാലോചനയിലേക്ക് വിരൽ ചൂണ്ടുന്നുണ്ട്.

 മേൽ കാര്യങ്ങളൊക്കെ കൃത്യമായി അന്വേഷിച്ച് ഇക്കാര്യത്തില്‍ സത്യസന്ധമായ ഒരു റിപ്പോര്‍ട്ട് പ്രസിദ്ധീകരിക്കാന്‍ ചങ്കൂറ്റമുണ്ടോ മുസ്ല്യാക്കളേ. സത്യമറിയുമ്പോള്‍ നിങ്ങളും പറയും മാര്‍ച്ച് വാഴ്‌സിറ്റിയിലേക്കല്ല സമസ്താലയത്തിലേക്കും കാരന്തൂർ മർക്കസിലേക്കുമാണ് നടത്തേണ്ടതെന്ന്.

ആവർത്തിച്ച് പറയട്ടെ, മുജാഹിദുകൾക്ക് അവർ പ്രചരിപ്പിക്കുന്ന ആശയം പ്രചരിപ്പിക്കാൻ ഇവിടുത്തെ പാഠപുസ്തക നിർണ്ണയ കമ്മിറ്റികളിൽ നുഴഞ്ഞ് കയറുകയോ  സിലബസ് നിർണ്ണയത്തിൽ അവിഹിത ഇടപെടലുകൾ നടത്തുകയോ ചെയ്യേണ്ട ആവശ്യമില്ല. കാരണം വിശുദ്ധ ഖുർ‌ആനും തിരുചര്യയുമാണ് മുജാഹിദുകളുടെ ആദർശം. അവയിലുള്ളവയെ ആ‍ണ് സമസ്തക്കാർ സുന്നീവീരുദ്ധ ആശയങ്ങളെന്ന് വിശേഷിപ്പിച്ച് സമരത്തിനിറങ്ങുന്നത്. സുന്നീ വിരുദ്ധ ആശയങ്ങളുള്ള പാഠ പുസ്തകങ്ങൾ നിരോധിക്കുകയാണെങ്കിൽ കേരളത്തിലെ പള്ളിദർസുകളിലെ കിതാബുകൾ പോലും നിരോധിക്കേണ്ടി വരുമെന്ന് ഈ ആവേശക്കമിറ്റി മൌലാനമാർ ചിന്തിക്കുന്നത് നന്ന്.

അല്ലാഹുവല്ലാത്തവരോട് വിളിച്ച് പ്രാർത്ഥിക്കാൻ പാടില്ലെന്ന് വ്യക്തമാക്കുന്ന ആയത്തുകളുള്ള വിശുദ്ധ ഖുർ‌ആൻ, പള്ളിയിൽ വരുന്ന സ്ത്രീകളെ നിങ്ങൾ തടയരുത് എന്ന് പറയുന്ന സ്വിഹാ‌ഉ സ്സിത്തയിലെ പ്രമുഖ ഹദീസ് ഗ്രന്ഥങ്ങൾ, പൊതുസ്ഥലത്ത് ഖബറുകൾ കെട്ടിപ്പൊക്കൽ ഹറാമാണെന്നും അത് പൊളിച്ച് മാറ്റണമെന്നും നമസ്കാര ശേഷം ഇമാം എഴുനേറ്റ് പോകലാണ് ഏറ്റവും ഉത്തമം എന്നുമൊക്കെയുള്ള ശൈഖ് സൈനുദ്ദിൻ മഖ്ദൂമിന്റെ ഫത്‌ഹുൽ മു‌ഈൻ, ജുമുഅക്ക് ഒരു ബാങ്ക് കൊടുക്കലാണ് ഉത്തമം എന്ന് കൃത്യമായും വ്യക്തമാക്കുന്ന ഇമാം ശാഫി(റ)യുടെ കിതാബുൽ ഉമ്മ്, മയ്യിത്ത് കൊണ്ടുപോവുമ്പോൾ മൌനമായിട്ടാണ് കൊണ്ടുപോവേണ്ടത് ദിക്`‌റ് ചൊല്ലിക്കൊണ്ടല്ല എന്ന് വ്യക്തമാക്കുന്ന ഇമാം നവവി(റ)യുടെ കിതാബുൽ അദ്‌കാർ തുടങ്ങിയ നിരവധി ഗ്രന്ഥങ്ങൾ സുന്നി വിരുദ്ധമെന്ന് പറയപ്പെടുന്ന ആശയങ്ങളടങ്ങിയതാണ്. അത് കൊണ്ട് ദർസിൽ നിന്നും പള്ളിയിൽ നിന്നും  അവ പിൻ‌വലിക്കുമോ? എന്നിട്ട് പോരേ പുറത്തെ ‘ശുദ്ധികലശം‘???

                                                                 മൻസൂറലി ചെമ്മാട്







Friday, July 8, 2016

സാകിര്‍ നായികിനെതിരില്‍ നടക്കുന്നത് ഇസ്‌ലാം വിരുദ്ധ ശക്തികളുടെ ഗൂഡാലോചന

സാകിര്‍ നായികിനെതിരില്‍ നടക്കുന്നത്

ഇസ്‌ലാം വിരുദ്ധ ശക്തികളുടെ ഗൂഡാലോചന



ഡോ. ഹുസൈന്‍ മടവൂര്‍

ജന. സെക്രട്ടറി,
ആള്‍ ഇന്ത്യാ ഇസ്ലാഹി മൂവ്‌മെന്റ്


ലോക പ്രസിദ്ധ ഇസ്‌ലാമിക പ്രഭാഷകനും ഗ്രന്ഥകാരനുമായ ഡോ. സാകിര്‍ നായികിനെതിരില്‍ ഇപ്പോള്‍ നടക്കുന്നത് ഇസ്‌ലാം വിരുദ്ധ ശക്തികളുടെ ഗൂഡാലോചനയാണ്. വ്യാജാരോപണങ്ങളുന്നയിച്ച് അദ്ദേഹത്തെ തീവ്രവാദിയാക്കി ചിത്രീകരിച്ച് ഉപദ്രവിക്കാനാണ് ഫാസിസ്റ്റ് കേന്ദ്രങ്ങള്‍ തന്ത്രങ്ങള്‍ മെനയുന്നത്. ഭരണകൂടവും നിയമപാലകരും ഇതിനു കൂട്ടുനില്‍ക്കരുത്. കഴിഞ്ഞ കാല്‍ നൂറ്റാണ്ടിലധികം കാലമായി നാമെല്ലാം ഡോക്ടര്‍ സാകിര്‍ നായിക്കിന്റെ പ്രഭാഷണങ്ങള്‍ കേള്‍ക്കുകയും ഗ്രന്ഥങ്ങള്‍ വായിക്കുകയും ചെയ്യുന്നുണ്ട്. നിരന്തരം ഗവേഷണം ചെയ്ത്, മത ഗ്രന്ഥങ്ങളുടെ അടിസ്ഥാന സ്രോതസ്സ് ഒന്നാണെന്ന് സമര്‍ത്ഥിച്ച് കൊണ്ടുളളതാണ് അദ്ദേഹത്തിന്റെ പ്രബോധന ശൈലി.

എല്ലാ മനുഷ്യരും ഒരു ദൈവത്തിന്റെ സൃഷ്ടികളാണെന്നും എല്ലാ മതാധ്യാപനങ്ങളും ആ ഒരു ദൈവത്തെ അംഗീകരിക്കുന്നുണ്ടെന്നുമുളള പഠനങ്ങളാണ് അദ്ദേഹത്തിന്റെ പ്രസംഗങ്ങളുടെയും പ്രബന്ധങ്ങളുടെയും പ്രധാന ഉളളടക്കം.

സമാധാനത്തിന്റെ സന്ദേശമാണ് ഇസ്‌ലാം എന്ന് അദ്ദേഹം തെളിവുകള്‍ നിരത്തി വ്യക്തമാക്കുന്നു. അദ്ദേഹം സംഘടിപ്പിച്ച് വരാറുളള സമ്മേളനങ്ങളില്‍ പതിനായിരങ്ങളാണ്  പങ്കെടുക്കാറുളളത്. ആ സമ്മേളനങ്ങള്‍ക്ക് അദ്ദേഹം നല്‍കിയ പേര് പീസ് കോണ്‍ഫറന്‍സ് (സമാധാന സമ്മേളനം) എന്നാണ്. ലക്ഷക്കണക്കിന് പ്രേക്ഷകരുളള അദ്ദേഹത്തിന്റെ ടെലിവിഷന്‍ ചാനലിന്റെ പേരും പീസ് ടി വി എന്നാണ്. ഇതൊക്കെ അദ്ദേഹത്തിന് സമാധാനത്തോടുളള കാഴ്ചപ്പാട് വ്യക്തമാക്കുന്നു.

പ്രഭാഷണങ്ങളിലും ടെലിവിഷന്‍ പ്രോഗ്രാമുകളിലും ആര്‍ക്കും ചോദ്യം ചോദിക്കാം. എല്ലാ മതവിശ്വാസികളിലും പെട്ട ആളുകള്‍ അദ്ദേഹത്തിന്റെ പരിപാടികളില്‍ പങ്കെടുക്കുകയും ചോദ്യങ്ങള്‍ ചോദിക്കുകയും ചെയ്യുന്നുണ്ട്. എന്നാല്‍ നാളിതുവരെ അദ്ദേഹത്തെ തീവ്രവാദി എന്ന നിലയില്‍ ആരോപിക്കാവുന്ന യാതൊന്നും അദ്ദേഹത്തില്‍ നിന്ന് ഉണ്ടായിട്ടില്ല. സമ്മേളനങ്ങളില്‍ സംശയങ്ങളുന്നയിക്കുന്ന ഇതര മതവിശ്വാസികള്‍ പോലും അദ്ദേഹത്തെ അപ്രകാരം വിലയിരുത്തുന്ന രീതിയില്‍ ചോദ്യങ്ങള്‍ ചോദിച്ചിട്ടില്ല.

മാത്രമല്ല, തീവ്രവാദത്തിനും ഭീകരതക്കുമെതിരെ അതിശക്തമായി നിലകൊളളുന്ന സൗദി അറേബ്യയും യു എ ഇയും മറ്റു പല രാഷ്ട്രങ്ങളും സാക്കിര്‍ നായിക്കിനെ ഏറ്റവും നല്ല ഇസ്‌ലാമിക വ്യക്തിത്വത്തിനുളള അവാര്‍ഡ് നല്‍കി ആദരിച്ചിട്ടുമുണ്ട്

ബംഗ്ലാദേശില്‍ സ്‌ഫോടനം നടത്തിയ ആള്‍ സാകിര്‍ നായിക്കിന്റെ പ്രഭാഷണങ്ങള്‍ കേട്ടിരുന്നുവെന്ന് ചില പത്രങ്ങളില്‍ വന്ന വാര്‍ത്തയാണ് ഇപ്പോള്‍ വിവാദങ്ങളുണ്ടാക്കിയത്. അല്ലാതെ സാകിര്‍ നായിക് വിവാദ പ്രഭാഷകനല്ല. ഒരാളുടെ പ്രഭാഷണമോ ലേഖനമോ സോഷ്യല്‍ മീഡിയയില്‍ ഷെയര്‍ ചെയ്യുന്നവരുടെ എല്ലാ പ്രവര്‍ത്തനങ്ങള്‍ക്കും ആ വ്യക്തി ഉത്തരവാദിയാവുമെന്നത് ഏത് നിയമത്തിലാണുളളത്?

പ്രധാനമന്ത്രിയുടെ മന്‍ കീ ബാത് കേള്‍ക്കുന്നവരും പ്രചരിപ്പിക്കുന്നവരുമെല്ലാം ബി ജെ പി ആണെന്ന് പറയാന്‍ പറ്റാത്തത് പോലെ തന്നെയാണ് ഇക്കാര്യത്തെയും വിലയിരുത്തേണ്ടത്.
ഇന്ത്യ മുസ്ലിം മുക്തമാക്കണമെന്ന് പരസ്യമായി പ്രഖ്യാപിച്ച സ്വാധി പ്രാചിക്കെതിരില്‍ ഒരു അന്വേഷണമോ നിരീക്ഷണമോ ഇല്ല. ഭാരത് മാതാ കീ ജയ് എന്ന് വിളിക്കാത്തവന്‍ ഇന്ത്യ വിട്ടു പോവണമെന്ന് പ്രഖ്യാപിച്ച രാംദേവിനെതിരെ ആരും ഒരക്ഷരം പറഞ്ഞുകേട്ടില്ല. മുസ്ലിംകള്‍ക്കെതിരില്‍ ആയുധമെടുക്കാന്‍ പരസ്യമായി ആഹ്വാനം ചെയ്യുന്നവരും മുസ്ലിം ക്രൈസ്തവ വിഭാഗങ്ങള്‍ക്കെതിരില്‍ സ്പര്‍ദ്ധയും ശത്രുതയും വളര്‍ത്തും വിധം പ്രചരണങ്ങളുമായി നടക്കുന്നവരുമൊക്കെ വീരപരിവേഷം ചാര്‍ത്തപ്പെടുന്ന സാഹചര്യത്തിലാണ് ഇല്ലാത്ത ആരോപണങ്ങളുന്നയിച്ച് സാത്ത്വികരും ദേശസ്‌നേഹികളും നിയമവിധേയമായി മാത്രം മതപ്രബോധനം നടത്തുന്നവരുമായ പൗരന്‍മാരെ തീവ്രവാദികളും ഭീകരരുമായി മുദ്രകുത്തുന്നത് എന്നത് ആശങ്കയുണര്‍ത്തുന്നതാണ്. യഥാര്‍ത്ഥ വര്‍ഗ്ഗീയ, തീവ്രവാദ പ്രവണതകളെ വെളളപൂശുന്നവരിലൂടെ തന്നെയാണ് ഇത്തരം കുല്‍സിത നീക്കങ്ങളുമുണ്ടാവുന്നതെന്ന് ചേര്‍ത്ത് വായിക്കേണ്ടതാണ്.

മേല്‍പറഞ്ഞവരെല്ലാം മുസ്‌ലിംകള്‍കും ഇസ്‌ലാമിനുമെതിരില്‍ നടത്തുന്ന വിദ്വേഷ പ്രസ്താവനകള്‍ പോലെ തന്റെ കാല്‍നൂറ്റാണ്ടു കാലത്തെ പ്രബോധന പ്രവര്‍ത്തനത്തിനിടയില്‍ ഒരിക്കല്‍ പോലും സാകിര്‍ നായിക് പറഞ്ഞിട്ടില്ല. മറിച്ച് ഹിന്ദു, കൃസ്ത്യന്‍ സ്ത്രീ പുരുഷന്‍മാരോട് സംസാരിക്കുമ്പോള്‍  മൈ ഡിയര്‍ സിസ്റ്റര്‍/ബ്രദര്‍ എന്നിങ്ങിനെയൊക്കെയാണ് അഭിസംബോധനം ചെയ്യാറുളളത്. ഇസ്‌ലാമിനെതിരില്‍ യുക്തിവാദികളും ഫാസിസ്റ്റുകളും ക്രൈസ്തവ മിഷനറിമാരും ഉന്നയിക്കുന്ന അടിസ്ഥാനരഹിതമായ ആരോപണങ്ങള്‍ക്ക് വസ്തുനിഷ്ടമായും ശാസ്ത്രീയമായും തികച്ചും പ്രാമാണികമായും മറുപടി പറയാന്‍ സാകിര്‍ നായിക്കിനു കഴിഞ്ഞിട്ടുണ്ട്. ഈ രംഗത്ത് പരാജിതരായ ഫാസിസ്റ്റുകളാണ് അദ്ദേഹത്തെ തീവ്രവാദിയാക്കാന്‍ പാടുപെടുന്നത്.

തീവ്രവാദ, വിധ്വംസക പ്രവര്‍ത്തനങ്ങള്‍ക്കെതിരില്‍ പൊതുവിലും വിശിഷ്യാ ഐ എസ് പോലുളള ഇസ്ലാമിന്റെ പേരില്‍ അറിയപ്പെടുന്ന വ്യത്യസ്ത ഭീകരവാദ ഗ്രൂപ്പുകള്‍ക്കെതിരിലും അതിശക്തമായി നിലകൊളളുകയും അവക്കെതിരില്‍ പ്രമാണബദ്ധമായി പ്രഭാഷണം നടത്തുകയും വിട്ടുവീഴ്ചയില്ലാത്ത നിലപാടെടുക്കുകയും ചെയ്യുന്ന പ്രബോധകനാണ് സാക്കിര്‍ നായിക്. അദ്ദേഹത്തിന്റെ നേതൃത്വത്തിലുളള ഐ ആര്‍ എഫിന്റെ സൈറ്റ് വഴിയും യൂറ്റൂബ് ചാനലുകള്‍ വഴിയും പരാമൃഷ്ട വിഷയത്തിലുളള പ്രസംഗങ്ങളും ചോദ്യോത്തരങ്ങളും ആര്‍ക്കും ലഭ്യമാണ്.
യാഥാര്‍ത്ഥ്യം ഇതായിരിക്കെ, സാകിര്‍ നായിക്കിനെതിരിലുള്ള ഗൂഡാലോചന രാഷ്ട്ര ശില്‍പ്പികള്‍ വിഭാവനം ചെയ്യുന്ന മതേതര സങ്കല്‍പ്പത്തിനും ഭരണഘടനക്കും എതിരാണ്. മതനിരപേക്ഷതയുടെ കടക്ക് കത്തി വെക്കാനുളള ശ്രമങ്ങളുടെയും ഫാസിസ്റ്റ് ഒളിയജണ്ടകളുടെ പ്രയോഗവല്‍ക്കരണത്തിന്റെയും ഏറ്റവും പുതിയ ഗൂഡാലോചനയുടെ പ്രാഥമിക കാല്‍വെപ്പുകളിലൊന്നായി ഇതിനെ കാണാവുന്നതാണ്. ജനാധിപത്യ മതേതര വിശ്വാസികള്‍ ഈ നീക്കത്തിനെതിരില്‍ രംഗത്ത് വരേണ്ടതുണ്ട്.

ചോദ്യോത്തരങ്ങളിലും ഡിബേറ്റുകളിലും സാക്കിര്‍ നായിക്കിന്റെ ശൈലിയില്‍ രൂക്ഷതയും അനാവശ്യമായ കാര്‍ക്കശ്യവുമുണ്ടെന്ന് പറയുന്ന ചിലര്‍ ഇപ്പോള്‍ നല്ല പിളള ചമഞ്ഞ് രംഗത്ത് വരുന്നുണ്ട്. അതല്ല ഇപ്പോഴത്തെ വിഷയമെന്നാണ് അവര്‍ മനസ്സിലാക്കേണ്ടത്. അക്കാര്യത്തില്‍ അദ്ദേഹവുമായി ആര്‍ക്കും ചര്‍ച്ച നടത്താം. എന്നാല്‍ ഒരാളുടെ പ്രഭാഷണം കേട്ടവന്‍ ചെയ്ത എല്ലാ പ്രവര്‍ത്തനങ്ങള്‍ക്കും പ്രഭാഷകന്‍ ഉത്തരവാദിയാവുമോ എന്നതാണ് പുതിയ വിവാദത്തില്‍ വിഷയീഭവിച്ചിട്ടുളളത്.

മത സാമൂഹ്യ സാംസ്‌കാരിക രാഷ്ട്രീയ രംഗങ്ങളില്‍ പ്രവര്‍ത്തിക്കുന്ന വലിയ പ്രമുഖര്‍ പോലും പൊതുപ്രഭാഷണങ്ങളിലും സംവാദങ്ങളിലും ചാനല്‍ ചര്‍ച്ചകളിലും എന്തിന്, നിയമ നിര്‍മ്മാണസഭകളില്‍ പോലും പൊട്ടിത്തെറിക്കുകയും പ്രകോപിതരായി സംസാരിക്കുകയും ചെയ്യാറുണ്ടല്ലോ. അതിനൊക്കെ സ്വാഭാവികതയുടെ ന്യായീകരണം നല്‍കുന്നവര്‍ തന്നെ സാക്കിര്‍ നായിക്കിന് തന്റെ പ്രബോധന ഭാഗമായുളള ചോദ്യോത്തരങ്ങളിലും സംവാദങ്ങളിലും ആശാസ്യകരമായ രീതിയിലുളള കാര്‍ക്കശ്യവും രൂക്ഷതയും പോലും പാടില്ലെന്ന് ചിന്തിക്കുന്നത് അസഹിഷ്ണുതയുടെ പ്രതിപ്രവര്‍ത്തനമായേ കാണാനൊക്കൂ.

സാക്കിര്‍ നായിക് ഏതെങ്കിലുമൊരു മുസ്‌ലിം സംഘടനയുടെ വക്താവല്ല. മതത്തെ പ്രമാണബദ്ധമായ ഗവേഷണങ്ങളിലൂടെ പ്രബോധനം ചെയ്യുകയും ഇസ്‌ലാമിന്റെ സന്ദേശം ജനങ്ങളിലെത്തിക്കാന്‍ മുഴുസമയ സേവനം ചെയ്യുകയും ചെയ്യുന്ന പ്രഗത്ഭനായ ഒരു പണ്ഡിതനാണ്. അദ്ദേഹത്തോട് പല വിഷയങ്ങളിലും വിയോജിപ്പുളളവര്‍ ഉണ്ടാവാം. എന്നാല്‍ അതൊന്നും അദ്ദേഹത്തെ ഒരു തീവ്രവാദിയെന്നോ തീവ്രവാദത്തിന്റെ പ്രചാരകനെന്നോ വിശേഷിപ്പിക്കാന്‍ കാരണമാവുന്നില്ല. പ്രത്യേകിച്ച് അദ്ദേഹം തന്റെ പ്രബോധനത്തിന്റെ മുഖ്യഭാഗമാക്കിക്കൊണ്ടുതന്നെ തീവ്രവാദ വിരുദ്ധ പ്രവര്‍ത്തനങ്ങള്‍ നടത്തുന്ന സ്ഥിതിക്ക്. അദ്ദേഹം മത സൗഹാര്‍ദ്ദ സമ്മേളനങ്ങള്‍ സംഘടിപ്പിക്കാറുണ്ടെന്ന് പ്രമുഖ കോണ്‍ഗ്രസ് നേതാവും മധ്യപ്രദേശ് മുന്‍മുഖ്യമന്ത്രിയുമായ ദ്വിഗ് വിജയ് സിങ്ങിനെ പോലുളളവര്‍ സാക്ഷ്യപ്പെടുത്തുന്നെവെന്നത് ഇവിടെ പ്രത്യേകം പ്രസ്താവ്യമാണ്.

ഇസ്‌ലാം മാത്രമാണ് ശരി എന്ന് സാക്കിര്‍ നായിക് പറയുന്നതാണ് ഒരു പ്രശ്‌നമായി ചിലയാളുകള്‍ ആരോപിക്കുന്നത്. കമ്മ്യൂണിസം മാത്രമാണ് ശാസ്ത്രീയവും പ്രായോഗികവുമെന്ന് കമ്മ്യൂണിസ്റ്റുകാര്‍ക്കും ഗാന്ധിമാര്‍ഗ്ഗമാണ് മനുഷ്യകുലം നേരിടുന്ന സകല വര്‍ത്തമാന പ്രതിസന്ധികള്‍ക്കുമുളള ഏക പരിഹാര മാര്‍ഗ്ഗമെന്ന് ഗാന്ധിയന്‍മാര്‍ക്കും വേദോപനിഷത്തുകളാണ് ഏക മോക്ഷമാര്‍ഗ്ഗമെന്ന് വേദപണ്ഡിതന്‍മാര്‍ക്കും ക്രിസ്തുമതമാണ് മോചനവും മാര്‍ഗ്ഗവും എന്ന് ക്രൈസ്തവ മിഷണറികള്‍ക്കുമൊക്കെ പറയാനുളള സ്വാതന്ത്ര്യം നിലനില്‍ക്കുമ്പോള്‍ സാകിര്‍ നായിക്കിനു മാത്രം താന്‍ സത്യമെന്ന് വിശ്വസിക്കുകയും ജനങ്ങളെ പഠിപ്പിക്കുകയും ചെയ്യുന്ന പ്രത്യയശാസ്ത്രത്തെ കുറിച്ച് അപ്രകാരം പറയാന്‍ പാടില്ലെന്ന് പറയാന്‍ കുറച്ചൊന്നുമല്ല സങ്കുചതത്വം അത്തരം അഭിപ്രായക്കാരെ സ്വാധീനിച്ചിട്ടുളളത് എന്നാണ് പറയാനുളളത്.

സാക്കിര്‍ നായിക്കിന്റെ ഏത് പ്രഭാഷണമാണ് തീവ്രവാദത്തെ പ്രോത്സാഹിപ്പിക്കുന്നത് എന്നാണ് ആരോപകര്‍ തെളിയിക്കേണ്ടത്. തിന്‍മകള്‍ക്കും അധര്‍മ്മത്തിനുമെതിരില്‍ തീവ്രമായി പ്രവര്‍ത്തിക്കണമെന്ന് ഏതോ ഒരു പ്രസംഗത്തില്‍ അദ്ദേഹം പറഞ്ഞിട്ടുണ്ടുപോല്‍. ഇങ്ങനെയല്ലാതെ ഇതെങ്ങനെയാണ് പറയേണ്ടത്? തിന്‍മക്കെതിരെ മൃദുവായ സമീപനം വേണമെന്നായിരുന്നോ സാക്കിര്‍ നായിക് പറയേണ്ടിയിരുന്നത്? തിന്മകള്‍ക്കെതിരെ പടവാളുയര്‍ത്തണം, അനീതിക്കെതിരെ കുരിശുയുദ്ധം നടത്തണം, അസത്യത്തിനെതിരെ ധര്‍മ്മയുദ്ധം നടത്തണം എന്നൊക്കെയുളള പ്രയോഗങ്ങളുടെ ഉള്‍ക്കാമ്പ് ഉള്‍ക്കൊളളുന്ന ഇവിടുത്തെ ജനങ്ങള്‍ സാക്കിര്‍ നായിക്കിനെ തീവ്രവാദിയാക്കി തളര്‍ത്താനും തകര്‍ക്കാനും ഉന്നയിക്കുന്ന ദുര്‍ന്യായത്തിലെ കാപട്യം  തിരിച്ചറിയും.



Monday, June 27, 2016

പണപ്പിരിവിന്റെ സ്വലാത്ത് രാവുകൾ


പണപ്പിരിവിന്റെ സ്വലാത്ത് രാവുകൾ

(വർത്തമാനം ദിനപത്രം 2008ൽ പുറത്തിറക്കിയ ‘ആൾ ദൈവങ്ങളുടെ സ്വന്തം നാട്’ എന്ന സ്പെഷൽ പതിപ്പിൽ നിന്ന്)


Add caption



പണപ്പിരിവിന്റെ സ്വലാത്ത് രാവുകൾ


പണപ്പിരിവിന്റെ സ്വലാത്ത് രാവുകൾ

(വർത്തമാനം ദിനപത്രം 2008ൽ പുറത്തിറക്കിയ ‘ആൾ ദൈവങ്ങളുടെ സ്വന്തം നാട്’ എന്ന സ്പെഷൽ പതിപ്പിൽ നിന്ന്)


Add caption



Wednesday, May 25, 2016

ഭരണീയരും ഭരണകർത്താക്കളും

ഭരണീയരും ഭരണകർത്താക്കളും


അബ്ദുസ്സലാം കുനിയിൽ
(ശബാബ് വാരിക, 2001 ഏപ്രിൽ 6)

         ഉബാദത്തുബ്‌നു സ്വാമിത്(റ) നിവേദനം ചെയ്യുന്നു: ''ഞങ്ങള്‍ അല്ലാഹുവിന്റെ പ്രവാചകനോട് ഉടമ്പടി ചെയ്തിട്ടുണ്ട്. ദാരിദ്ര്യത്തിലും അഭിവൃദ്ധിയിലും പ്രീതിയിലും അപ്രീതിയിലും (ഭരണകര്‍ത്താക്കളെ) ഞങ്ങള്‍ കേട്ട് അനുസരിച്ചുകൊള്ളാം. ഞങ്ങളെക്കാള്‍ അനര്‍ഹരെ തെരഞ്ഞെടുക്കുന്നതും അംഗീകരിച്ചേക്കാം. അല്ലാഹുവില്‍ നിന്ന് വ്യക്തമായ തെളിവുമുഖേന സ്ഥിരപ്പെട്ടിട്ടുള്ള കടുത്ത നിഷേധം (കുഫ്‌റ്) ബോധ്യപ്പെട്ടാലല്ലാതെ ഭരണാധിപന്റെ കല്പനകളോട് ഞങ്ങള്‍ വിയോജിക്കുന്നതല്ല. ഞങ്ങള്‍ എവിടെയായിരുന്നാലും സത്യമേ പറയൂ. അല്ലാഹുവിന്റെ കാര്യത്തില്‍ ആരുടേയും യാതൊരു അധിക്ഷേപത്തേയും ഞങ്ങള്‍ ഭയപ്പെടുകയില്ല'' (ബുഖാരി, മുസ്‌ലിം).

         സാമൂഹ്യജീവികളായ നമുക്ക് പലപ്പോഴും രാഷ്ട്രീയ-മത നേതാക്കളെ അനുസരിക്കേണ്ടതായും അംഗീകരിക്കേണ്ടതായും വരും. ഇക്കൂട്ടത്തില്‍ നാമിഷ്ടപ്പെടുന്നവരും അല്ലാത്തവരുമായ വ്യക്തികളുണ്ടാവുക സ്വാഭാവികം. അതുകൊണ്ടുതന്നെ അവരെടുക്കുന്ന തീരുമാനങ്ങളഖിലവും നമുക്കുള്‍ക്കൊള്ളാന്‍ കഴിഞ്ഞുകൊള്ളണമെന്നില്ല. സ്വാതന്ത്രചിന്തയും ബുദ്ധിയും തീരുമാനങ്ങളുമുള്ള വ്യക്തികളായിരിക്കെ ഓരോരുത്തരുടെയും അഭിപ്രായങ്ങള്‍ വ്യത്യസ്തമായിരിക്കുകയും ചെയ്യും. ഒരേ വിഷയത്തിലെ വ്യത്യസ്താഭിപ്രായങ്ങളെ സമന്വയിപ്പിച്ചുകൊണ്ടുപോവുകയെന്നത് ഭരണപാടവം തന്നെയാണ്. ഈ പാടവം എപ്പോഴും എല്ലാവര്‍ക്കും ഉണ്ടായിക്കൊള്ളണമെന്നില്ലല്ലോ.

         വ്യക്തികള്‍ കുടുംബങ്ങളും കുടുംബങ്ങള്‍ സമൂഹവുമാവുമ്പോള്‍ എല്ലാവരുടെയും  അഭിരുചികളും  താത്പര്യങ്ങളും സംരക്ഷിക്കപ്പെട്ടുകൊള്ളണമെന്നില്ല. സമൂഹത്തിലെ ഒരംഗം തന്റെ താല്പര്യം-അഭിപ്രായം-അംഗീകരിക്കപ്പെടണമെന്ന് ശാഠ്യം പിടിക്കുന്നത് സമൂഹത്തിന്റെ സുസ്ഥിതിക്ക് ഹാനികരമായി ഭവിച്ചേക്കാം. അതിനാല്‍ അയാളുടെ അഭിപ്രായം എത്ര ഫലവത്തായാലും ചിലപ്പോള്‍ സ്വീകരിക്കാന്‍ കഴിഞ്ഞില്ലെന്ന് വരാം. ഒരുപക്ഷെ ഭരണ നേതൃത്വത്തെ തെരഞ്ഞെടുക്കുന്നതിലും ഈ അഭിപ്രായ ഭിന്നത പ്രകടമായേക്കാം. തങ്ങളെയപേക്ഷിച്ച് അനര്‍ഹരായിരിക്കാം ഭരണസാരഥ്യം വഹിക്കുന്നത്. എങ്കില്‍പ്പോലും ഒരു വിശ്വാസി ഇത്തരം ഘട്ടങ്ങളില്‍ ഭരണാധികാരിയില്‍ കടുത്ത നിഷേധം-കുഫ്‌റ്-ബോധ്യപ്പെടാത്തിടത്തോളം അയാളുടെ ആജ്ഞാ നിര്‍ദേശങ്ങള്‍ മാനിക്കേണ്ടതുണ്ടെന്ന് ഈ നബിവചനം വ്യക്തമാക്കുന്നു. ഭരണനേതൃത്വത്തിന്നെതിരെ ഉപജാപക സംഘമുണ്ടാക്കാന്‍ പാടില്ലാത്തതു പോലെ, തന്നെക്കുറിച്ച് ഭിന്നാഭിപ്രായം പ്രകടിപ്പിച്ച വ്യക്തികള്‍ക്കെതിരെ അയാള്‍ വ്യക്തമായും തെറ്റുചെയ്യാത്തിടത്തോളം അയാള്‍ക്കെതിരെ ഭരണാധികാരി കടുത്ത നിലപാടുകളോ പ്രതികാര നടപടിയോ സ്വീകരിക്കാവതുമല്ല. മിക്കവാറും നമ്മുടെ മത-രാഷ്ട്രീയ നേതൃത്വം പാളിപ്പോവുന്നതിവിടെയാണ്. വാളുകൊണ്ടുതന്നെ താങ്കളെ തിരുത്തുമെന്ന് പറഞ്ഞ സ്വഹാബിയോട് ഇസ്‌ലാമിന്റെ ഖലീഫ പ്രതികാരം ചെയ്തതായോ ആ സ്വഹാബിയെ അനഭിമതനായി പ്രഖ്യാപിച്ചതായോ ചരിത്രം രേഖപ്പെടുത്തിയിട്ടില്ല. തങ്ങളുടെ ബന്ധുക്കളും അടുത്തവരും കുറ്റം ചെയ്താല്‍ ശിക്ഷിക്കാതിരിക്കുകയും മറ്റുള്ളവരാണ് കുറ്റക്കാരെങ്കില്‍ കഠിനമായി ശിക്ഷിക്കുകയും ചെയ്തതായിരുന്നു ഇസ്രായീല്യരെ അല്ലാഹു ശപിക്കാന്‍ കാരണമായി നബി(സ) പറഞ്ഞത്.

          അന്ത്യദിനത്തില്‍ സൂര്യന്‍ കത്തിനില്‍ക്കെ ചുട്ടുപൊള്ളുന്ന സന്ദര്‍ഭത്തില്‍ അല്ലാഹു നല്‍കുന്ന തണലുമാത്രം ലഭിക്കുന്ന ഏഴുവിഭാഗങ്ങളിലെ ഒരു വിഭാഗം നീതിമാനായ നേതാവാണെന്ന പ്രവാചക വചനം കൂടി ചേര്‍ത്തുവായിക്കുമ്പോള്‍ നേതാവിന്റെ സാമൂഹ്യബാധ്യത സുതാരാം വ്യക്തമാവും. 'തങ്ങള്‍ എവിടെയായിരുന്നാലും സത്യം മാത്രമേ പറയൂ'വെന്ന പ്രതിജ്ഞ അതുപോലെത്തന്നെ പ്രസക്തമാണ്. 'ഏറ്റവും ഉത്തമമായ സമരം അതിക്രമിയായ അധികാരിയുടെ മുമ്പില്‍ സത്യം പറയലാണെ'ന്നും 'നീ സത്യം പറയുക; അതെത്ര കയ്‌പേറിയതാണെങ്കിലു'മെന്നുമൊക്കെയുള്ള പ്രവാചകാധ്യാപനങ്ങള്‍ ഇവിടെ പ്രസ്താവ്യമാണ്. സത്യം പറഞ്ഞുവെന്നതിനാല്‍ കഷ്ടനഷ്ടങ്ങള്‍ അനുഭവിക്കേണ്ടിവന്നാല്‍ തന്നെ ദൈവസന്നിധിയില്‍ അതുകൂടുതല്‍ പ്രതിഫലാര്‍ഹമാവും.

         അല്ലാഹുവിന്റെ മതത്തിന്റെ പ്രബോധന ദൗത്യം ഏറ്റെടുത്ത ഒരു വിഭാഗമായ നമ്മുടെ ബാധ്യത വര്‍ദ്ധമാനമാണ്. സുസംഘടിതവും സുശക്തവുമായ ഒരു സമൂഹസൃഷ്ടിക്കനിവാര്യമായ നിബന്ധനകളിലൊന്നത്രെ ഉദ്ധൃത പ്രവാചക വചനം. ഇത്തരം നിബന്ധനകളുടെ താളാത്മകമായ സമന്വയം സാധ്യമായെങ്കില്‍ മാത്രമേ ഉപരിസൂചിത സമൂഹസൃഷ്ടി സുസാധ്യമാവൂ. അത്തരമൊരു സമൂഹത്തിന് മാത്രമേ നിലനില്‍പുണ്ടാവൂ. നിലനില്‍പ്പുള്ള വിഭാഗങ്ങള്‍ക്കേ ഇതര ജനവിഭാഗങ്ങളുടെ മനസ്സില്‍ മതിപ്പുളവാക്കാന്‍ കഴിയൂ. ഇസ്‌ലാമിനെ സംബന്ധിച്ച് മതിപ്പുണ്ടാക്കുന്നതില്‍ വിജയിക്കാന്‍ കഴിഞ്ഞില്ലെങ്കില്‍ പ്രബോധനയത്‌നങ്ങളും പരാജയമടയാനാണ് സാധ്യത.

Saturday, May 21, 2016

ബറാ‌ത്ത് രാവ്










































 
Design by Wordpress Theme | Bloggerized by Free Blogger Templates | coupon codes